كيف حال الجميع و الله اشتقت لهذا المنتدى . من زمان ما دخلت بسبب الظروف
المهم اليوم جبتلكم طريقة تحضير رولي بالكونفتور
المقادير :
1- اربعة حبات بيض
2- 100غ سكر عادي اي ما يقارب 5 مغارف كبار
3- 110غ فرينة اي 6 مغارف كبار
4-مغرفة صغيرة خميرة كميائية حسب الرغبة
5- قشور حبة قارس
طريقة التحضير:
افصلي البياض عن الصفار ، طلعي الصفار بالباتور و زيدي السكر ثم قشور القارس ثم الفرينة مع الخميرة
بعدها طلعي البياض حتى يصبخ مثل الثلج أضيفي الخليط الاول و ابقاي تخلطي في اتجاه واحد
حطي في صينية مربعة او مستطيلة ورق الطهي تم صبي فوقه الخليط دخليه في فرن مسخن من قبل 180درجة مدة 15 دقيقة
بعد مايطيب حطيه فوق طرشونة مبللة و روليه بيها بالشوي ثم حليه ديري المربى اي نوع و من بعد عاودي روليه ثم حطيه في الثلاجة مدة ساعة و بالصحة و العافية